ენჯელ.ჯი - მოდის სამყარო ინტერნეტ სივრცეში

ქართველი ბლოგერის, ნატუკა ქარქაშაძის სტილის შეგრძნებით, აღფრთოვანებულნი
არიან დასავლელი ფოტოგრაფები. ნატუკას მოდის კვირეულებზე გამოჩენის შემდეგ, მისი ფოტოებით
ჭრელდება მოდური საიტები და ბლოგები.




კორესპონდენტმა დაშა შაპოვალოვამ ნატუკას არაერთი სახის კითხვა დაუსვა, რათა გაეგო თუ
რაში მდგომარეობს გოგონას სტილის საიდუმლო. პირველი დასმული კითხვა ბლოგერის მიმართ ფერებს შეეხო,
ქარქაშაძის თქმით მიმდინარე სეზონზე მისთვის ყველაზე სასურველი ფერი ხაკისფერია. ასევე ისიც გაირკვა, რომ
იგი მხოლოდ ცნობილი დიზაინერების სამოსით არ ამდიდრებს გარდერობს, ნატუკა თავადვე ხატავს ესკიზებს და
ხაკისფერი საღამურის დიზაინი თავად ეკუთვნის, ისევე როგორც მის გარდერობში წარმოდგენილი სამოსის უმეტესი
ნაწილის. ნატუკას თქმით ხშირად უბრალოდ შეუძლებელია მისთვის სასურველი ტანისსამოსის მოძიება მაღაზიებში,
ამიტომ გადაწყვიტა თავად ეზრუნა დიზაინზე, მითუმეტეს თვლის, რომ საკმაო ფანტაზიები და გემოვნება აქვს,
ამიტომ თავად ქმინს მისთვის სასურველ აქსესუარს თუ სამოსს. ამის გამო კი ხშირად დიზაინერი გონიათ იგი.


^ ნატუკას დიზაინით შექმნილი საღამურის ტიპის კოსტიუმი

და აი რას ამბობს ბლოგერი აქსესუარებზე: აქსესუარები ჩემი გარდერობის განუყოფელი ნაწილია.
სამკაულების მეშვეობით შესაძებელია საყვარელი ლუქის ხასიათის შეცვლა და სრულიად განახლება. ეს კონკრეტული
ყელსაბამი ჩემმა დედამთილმა იაპონიიდან ჩამომიტანა, როდესაც აქსესუარს ვიძენ არასდროს ვაქცევ ყურადღებას
თუ რა ბრენდისაა, მნიშვნელობა არ აქვს ჩემს ყელს შანელის ყელსაბამი ამშვენებს თუ უბრალოდ ვინტაჟის
მაღაზიაში შეძენილი იაფფასიანი სამკაული.




ამ ეტაპზე უპირატესობას ვანიჭებ ღია ფერის, ეფექტურ ფეხსაცმელს. მიყვარს პითონის პრინტით
შემკული ფეხსაცმლის შეხამება, ამავე სახის პრინტით გაფორმებულ სამოსთან.


^ ქუსლიანი ფეხსაცმელი მიუ მიუს უკანასკნელი კოლექციიდან

ეს კონკრეტული კოსტიუმი asos-ის ვებგვერდზე შევიძინე, რადგან თბილისში არც ისე ბევრი მოდური მაღაზიაა,
ამიტომ მე და ჩემი მეგობარი ხშირად სამოსს ინტერნეტის მეშვეობით ვიძენთ. კოსტიუმში ყველაზე მეტად მსხვილი
ფერადი კოპლები მიზიდავს, ლუქს კი მილანის ბაზარში შეძენილი ყელსაბამი დავურთე.




House of Holland-ის ნაქსოვი ბლუზი დის ნაჩუქარია, ჯინსის ქურთუკი კი ჩემს ლუქს ცოტა
ძველმოდურს, მაგრამ ორიგინალურს ხდის, გაცვეთილი ჯინსები კი ყველა მოდური გოგონას გარდერობში
უნდა იყოს, მათი შეხამება აბსოლიტურად ყველა სახის სამოსთანაა შესაძლებელი.




ნატუკამ ქართველი დიზაინერების შესახებაც ისაუბრა: საქართველოში მოდა ჯერ კიდევ არ არის
სრულყოფილად განვითარებული, მაგრამ მე მჯერა რომ ქართველ დიზაინერებს აქვთ საკმარისი ნიჭირ იმისთვის,
რომ შექმნან საინტერესო სამოსი, რომელიც შემდეგ ევროპაში გაიყიდება. მიუხედავად ყველაფრისა მახარებს
ის ფაქტი, რომ ჩვენ გვაქვს Tbilisi Fashion Week, კვირეულის მეშვეობით დიზაინერები მსოფლიო მოდის
რიტმებს უწყობენ ფეხს. ხშირად ვიძენ Avtandil-ის სამოსს, სწორედ ავთოს ეკუთვნის ჩემი საქორწინო
კაბის დიზაინი, ყოველდღიურად კი ხშირად ვატარებ Atelier 10a-ს ნივთებს.




გთავაზობთ ნატუკას ლუქებს, რომლებში გამოწყობილსაც აფიქსირებდნენ მოდის კვირეულბზე.