ფერთა სწორი კომბინაცია მოდური ლუქის ერთ-ერთი მნიშვნელოვანი ნაწილია. ხშირად არასწორად შეხამებული სამოსი კარგავს მის სილამაზეს და სამოსიც იკარგება. ერთ-ერთი გამორჩეული ფერთა კომბინაცია შავი & წითელია. შავი არის ფერი, რომელსაც შეგიძლია ყველაფერი შეუხამო, თუმცა ის წითელთან ერთად სულ სხვა ელფერს იძენს. ცეცხლისფერი მიმზიდველი და ძლიერია, შავი კი მის ელეგანტურობას უსვამს ხაზს. ამ ფერთა კომბინაციას ხშირად ვარსკვლავების სტილშიც იპოვით.
Tags:


Harper's Bazaar გვირჩევს!
ყველაფერი დეტალებშია!
უფრო კონკრეტულად კი მოდური ლუქის მთავარ აქცენტად აქსესუარებს მოვიაზრებთ. შინაგანი სამყაროს, ინტერესებისა და ხასიათის გამომხატველი ელემენტები აქსესუარებშია, რომლებიც მოდური ლუქის მრავალფეროვნების გარანტიაა. აქსესუარების ხელოვნების შესახებ რჩევებს Harper's Bazaar გვაძლევს. ქალბატონებისთვის მოდური რჩევები არასდროს არის ზედმეტი. გავიგოთ როგორ უნდა ვაქციოთ აქსესუარი ლუქის საუკეთესო ელემენტად.
Tags:


სარა ჯესიკა პარჯერს 51 წელი შეუსრულდა. მსახიობის კარიერის ერთ-ერთი გამორჩეული ნაწილი სერიალს "სექსი დიდ ქალაქში" უკავშირდება, რომლითაც მან მოდური ქალბატონის სახელი Carrie Bradshaw-ს წყალობით დაიმკვიდრა. პერსონაჟი გასცდა წიგნსა და სატელევიზიო სივრცეს და დღემდე ის განსხვავებულ, გამორჩეულ, მოდურ და გლამურულ ქალბატონთან ასოცირდება. სარას მოდური ლუქები ხშირად მისი პერსონაჟის გავლენის ქვეშ ხვდება, თუმცა მისი ყოველდღიური ცხოვრება პერსონაჟისგან განსხვავებულია. ფეხსაცმელები არა მარტო ქერის, არამედ სარას სუსტი წერტილიც არის, რის შედეგადაც დღეს მას თავისი ფეხსაცმელების ხაზი აქვს. იყო და არის რამდენიმე როლი, თუმცა სარა ჯესიკა პარკერი მუდამ ასოცირდება ქერი ბრედშოუსთან, რისი გავლენისგან გაქცევაც ალბათ ნებისმიერ მოდურ ქალბატონს გაუჭირდება. 51 ასაკში სარა ისევ შთამბეჭდავად გამოიყურება. მას ხშირად იხილავთ ახალ ფოტოსესიებსა და პროექტებში. 51-ე დაბადების დღის აღსანიშნავად გავიხსენოთ და თვალი გადავავლოთ სარას მოდურ სტილს, რომლის მთავარი ელემენტი - ფეხსაცმელებია, რომლებიც მართლაც რომ გამორჩეულია.
Tags:


სამხრეთ კორეაში ნამდვილად გამორჩეული მოდის კვირეულია. მოდის მოყვარულებს სეულის ქუჩის სტილი ნამდვილად გაგაოგნებთ. მოდის კვირეულზე მოდური ბავშვებიც მოხვდნენ ფოტოგრაფის ობიექტივში. იხილეთ განსხვავებული, ორიგინალური და გამორჩეული ქუჩის სტილი, რომელშიც დემნა გვასალიც შემოქმედებაც მოხვდა [VETEMENTS].

Tags:

ჩანთა მოდური ქალბატონის საყვარელი და აუცილებელი აქსესუარია. თბილი სეზონისთვის მოდურმა ქალბატონებმა განსხვავებული და ორიგინალური ჩანთები უნდა მოიმარაგოთ. კომფორტული ჩანთა თქვენი საქმიანი და დატვირთული დღის აუცილებელი აქსესუარია. Vogue-ს რედაქტორები საგაზაფხულოდ საუკეთესო ჩანთებს გვირჩევენ. იხილეთ რა არჩევანი გააკეთეს მოდის ინდუსტრიის გამორჩეული გამოცემების რედაქტორებმა, 19 სასურველი ჩანთა საგაზაფხულოდ.
Tags:


მოდის კვირეულებზე დიზაინერები მომდევნო სეზონის კოლექციებს წარადგენენ და უახლეს ტენდენციებზე მიგვითითებენ.
თუმცა რა ხდება პოდიუმს მიღმა?მოდის მოყვარულთა ქუჩის სტილი საინტერესო, მრავალფეროვანი და შთამაგონებელია. ნებსით თუ უნებლიედ ბევრი მოდური ქალბატონის სტილი ჰგავს ერთმანეთს. მათ შორის საერთო ტენდენციები იკვეთება, რისი ხილვაც ჩვენს მოდურ მკითხველს შეუძლია.
იხილეთ მოდის კვირეულების ქუჩის სტილის გამორჩეული 10 ტრენდი
Tags:


პარიზის მოდის კვირეულზე Chanel-ის 2016 წლის შემოდგომა-ზამთრის კოლექციის ჩვენება გაიმართა. მოდის სახლის კლასიკური სტილი უცვლელი რჩება. დომინანტი მასალა- ტვიდი, რომელიც ჯინსთან იყო შეხამებული კოლექციის ახალგაზრდულ და თანამედროვე ელემენტს წარმოგვიდგენს. დაბრუნდა "შანელის" მარგალიტები, რომელთა გარეშეც მოდის სახლის ისტორიას არ ჩაუვლია. კოლექციაში წარმოდგენილი იყო ტყავის ქუდები, ბოტები, ცივი სეზონისთვის განკუთვნილი ფეხსაცმელები და ორიგინალური ჩანთები. მოდის სახლის წლევანდელი კოლექციის დომინანტი ფერებია: შავი, თეთრი, ბეჟი, ვარდისფერი და წითელი. ჩვენებაში მონაწილეობა ჯიჯი ჰადიდმა და კენდალ ჯენერმაც მიიღეს. მოდელების სიმრავლე ჩვენების ჩქარ ტემპზეც აისახა.

იხილეთ 2016 წლის Chanel-ის სრული კოლექცია.
FALL 2016 READY-TO-WEAR
Tags:

Fréolic ახლად დაარსებული თეთრეულის მწარმოებელი ბრენდია ბრიტანეთიდან, რომელიც ყურადღებას ხარისხზე და ფრანგულ სტილზე ამახვილებს. ქალის თეთრეული მაქმანებიანი მატერიით და ინტიმური დეტალებით სექსუალურ და რომანტიულ განწყობას ქმნის. ბრენდის სადებიუტო კოლექცია 2016 წლის ზაფხულის სეზონისთვისაა განკუთვნილი.

Tags:

Valentino FALL 2016 READY-TO-WEAR

ბალეტი- მოდის სახლის 2016 წლის შემოდგომა-ზამთრის კოლექციის მთავარი შთაგონების წყაროა. ხელოვნება აერთიანებს მოდასა და სილამაზეს. კოლექციის შემქმნელების Maria Grazia Chiuri-სა და Pierpaolo Piccioli-ს თქმით, მოდა მხოლოდ სამოსი არ არის, ეს უდიდესი კულტურის ნაწილია, რომელშიც ვცხოვრობთ.

"ჩვენ გვინდოდა ეს შოუ ჩვენს ყოველდღიურ მომენტებს შეხებოდა. ყოველ წამს უნიკალურად უნდა ვიგრძნოთ თავი. მიყვარს მოდა. ეს საქმიანობა მაძლევს საშუალებას აღვწერო დრო, რომელშიც ჩვენ ვცხოვრობთ." - Maria Grazia Chiuri

ბალერინის სამოსი კოლექციის მთავარი ელემენტია. პუანტებით შთაგონებული ფეხსაცმელები, კაბები და სვიტერები, ჩანთები და აქსესუარები ბალერინის ლუქს მოგაგონებთ. ჩვენებაზე ასევე წარმოდგენილი იყო ნაზი და ქალური აბრეშუმის ღია ფერების კაბები.
იხილეთ სრული კოლექცია და დეტალები Valentino-ს ჩვენებიდან.
Tags:

თბილისის მოდის კვირეულის მე-13 სეზონი 31 მარტიდან 3 აპრილის ჩათვლით გაიმართება.
ამ სეზონზე თბილისის მოდის კვირეულის ოფიციალურ განრგიში ქართველი დიზაინერების 20-მდე ჩვენება, გამოფენა და პრეზენტაციაა დაგეგმილი: გიორგი შაღაშვილი, ჩუბიკა, დალოოდი, ანუკი არეშიძე, ლაკო ბუკია, მარიამ გვასალია, Mach & Mach, ინკი გოლდ, ნინი ჭელიძე, ატელიე 27, ტამანინი. თბილისის მოდის კვირეულზე პირველი ჩვენებითა და კოლექციით მაყურებლის წინაშე წარდგება სალომე ღვინიაშვილი. ასევე კვირეულის განრიგშია LALO, More is Love, გვანცა სალაყაია. კაფსულა კოლექციას წარმოადგენს ხელოვანი ირმა შარიქაძე, რომელიც ტანგოს პერფორმანსს მოძრაობის თეატრში გამართავს. სასტუმრო Rooms Tbilisi-ს პარკინგზე კი მაქსიმეს პერფორმანსი გაიმართება. კვირეულის გახსნის დღეს „დალოოდი“-ს ჩვენება თბილისის ოპერისა და ბალეტის თეატრის დარბაზებში გაიმართება.

Tags:
« 1 ... 5 6 7 8 9 10 11 12 13 ... 274 »
Back to Top